Biz kimik?
MİSSİYAMIZ
Missiyamız yüksək trafikli məkanlarda reklam yerləşdirmə prosesini rəqəmsal texnologiyalar və innovativ yanaşma ilə sadələşdirmək və təkmilləşdirməkdir. Biz sifarişçilərə vahid, çevik və ölçülə bilən həllər təqdim edərək açıq hava reklamı sahəsində daha effektiv və şəffaf rəqəmsal platforma olaraq çıxış edirik.
VİZYONUMUZ
Vizyonumuz ictimai məkanlarda yerləşən reklam sahələrinin rəqəmsallaşmasına liderlik etmək və innovativ açıq hava reklamı həlləri ilə yerli və regional bazarda etibarlı tərəfdaş kimi mövqeyimizi möhkəmləndirməkdir. Əsas məqsədimiz reklamverənlərlə auditoriya arasında interaktiv, effektiv və nəticəyönümlü əlaqə yaratmaqla reklam təcrübəsini ölçülə bilən və strateji dəyərə çevirməkdir.
BİZ SİFARİŞLƏRİ ÜNVANINA ÇATDIRIRIQ
Bizim üçün şablon yoxdur — hər sifarişə fərdi yanaşırıq. Yalnız biznes tapşırıqları ilə deyil, sahibkarların, rəhbərlərin və işçi heyətin hədəfləri ilə də işləyirik. Peşəkar rəhbərlərimiz, təcrübəli analitiklərimiz və yaradıcı komandamız ehtiyac duyduğunuz həlləri məhz sizə lazım olan şəkildə və vaxtda təqdim edir.
BİZ TƏRƏFDAŞLIQLAR QURURUQ
Müştərilərimizin bir fikir ətrafında birləşməsinə, birgə layihələrə başlamasına, bir-birinə dəstək olmasına və yeni əməkdaşlıq formatları tapmasına dəstək oluruq. Ekosistemimizin gücü də elə bundadır: bir layihə onlarla yeni fürsətə qapı aça bilər.
BİZ SADƏCƏ REKLAM YERLƏŞDİRMİRİK
Strategiyalar qurur, “açaraltı” kommunikasiya kampaniyaları hazırlayır, kreativ yanaşmalar irəli sürür, ağıllı texnologiyalar tətbiq edir və istənilən səviyyədə tədbirlər təşkil edirik. Komandamızda işi başdan sona qüsursuz icra edən analitiklər, ideya müəllifləri, marketoloqlar, kopirayterlər, dizaynerlər, mobilqraflar və menecerlər var. Əgər siz də faydalı və dürüst tərəfdaşlığa hazırsınızsa — biz buradayıq!